      |
Süße Minne reine Minne
Mittelalterlicher Minnesang
|
|
Herr Heinrich von Rugge (bezeugt 1175-1178)
Got hāt mir armen ze leide getān daz er ein wīp ie geschuof alsō guote. solt ichn erbarmen, sō hete erz gelān. sist mir vor liebe ze verre in dem muote. daz tuot diu minne: diu nimt mir die sinne, wand ich mich kźre an ir lźre ze vil, diu mich der nōt niht erlāzen enwil, sīt ich niht māze begunde nochn kunde. Kunde ich die māze sō lieze ich den strīt der mich dā müeget und lützel vervāhet, der mich verlāzet ze vaste in den nīt. swer sich vor liebe ze verre vergāhet, der wirt gebunden von stunden ze stunden alse ich vil arme. nu erbarme ich si niet, diu mich nu lange alsō trūrigen siet, sīt ich ir dienen begunde alse ich kunde. Mir hāt verrāten daz herze den līp. des was ie flizic der muot und die sinne, daz si mich bāten ze verre umb ein wīp, diu mir nu zeiget daz leit für ir minne. daz ist besunder an mir gar ein wunder, deich hān mich verlān ūf den wān der mich trouc unde mir armen ie freislīchen louc, sīt ich ir dienen begunde alse ich kunde. |
Gott hat es mir Armen zuleide getan, daß er eine Frau so vollkommen geschaffen. Würde ich ihn erbarmen, er hätte es unterlassen. Ich habe sie vor Liebe zu tief im Gemüt! Das schafft die Minne: die nimmt mir den Verstand, denn ich halte mich zu sehr an ihre Lehre, die mir von meiner Not nichts erlassen will, nachdem ich kein Maß lernte noch verstand. Verstünd ich ein Maß, so unterließe ich das Ringen, das mich da müht und mir wenig abträgt, das mich zu sehr in die Leidenschaft treibt. Wer sich vor Liebe zu weit übereilt, der wird gebunden von Stunde zu Stunde so wie ich Armer. Doch erbarm ich sie nicht, die mich nun lang schon traurig sieht, seit ich ihr zu dienen begonnen, so gut ich's verstand. Mir hat verraten das Herz den Leib. Da war sehr fleißig das Gemüt und der Geist, daß sie mich zu weit lockten um eine Frau, die mir nun Leid an Stelle der Liebe erweist. Das ist vor allem an mir wunderlich: daß ich mich verlassen habe auf den Wahn, der mich trog und mich Armen so schrecklich belog, seit ich ihr zu dienen begonnen, so gut ich's verstand. |